لہور ائیرپورٹ اغوا کیس دا ڈراپ سین باہرلے ملک دی سوانی اپنی مرضی نال یاردے نال گئی

علامہ اقبال ائیرپورٹ توں باہرلے ملک دی (غیرملکی) سوانی دے مبینہ اغوا دی پچھ گچھ (تفتیش) وچ وڈی پیش رفت سامنے آئی اے، صوفیہ ماریہ اپنی مرضی (رضامندی) نال گبرو (نوجوان) دے نال گئی سی، اغوا دا دعویٰ جھوٹھا (بے بنیاد) نکلیا اے۔

پولیس دے مطابق صوفیہ ماریہ ملر دے اغوا دا پرچہ (مقدمہ) تھانہ سرور روڈ وچ درج ہویا سی جبکہ سوانی نوں بحریہ ٹاؤن چوں بازیاب کروایا گیا سی۔ پولیس دی پچھ گچھ وچ ایہہ سچ سامنے آیا اے کہ سوانی اپنی مرضی نال اپنے بیلی (دوست) نعمان دے نال گئی سی۔ تفتیش دے دوران اغوا دا کوئی ثبوت نہیں ملیا۔ اپنے آپ نوں صوفیہ ماریہ دا گھر والا (شوہر) دسن والا نیپالی شہری وی قانونی شوہر نہیں بلکہ بیلی (دوست) ای نکلیا۔ پولیس دا کہنا اے کہ مقدمے دی ہور تفتیش جاری اے تے سارے پاسیاں (پہلوؤں) نوں چنگی طرحاں ویکھیا جا رہا اے۔