آئی پی ایل فائنل: ٹم ڈیوڈ نوں امپائر تے آئس بیگ سٹن دی وڈی سزا مل گئی
انڈین پریمیئر لیگ (آئی پی ایل) دی ٹیم رائل چیلنجرز بنگلور دے جارح مزاج بیٹر ٹم ڈیوڈ نوں آئی پی ایل دے اگلے سیزن دے پہلے میچ لئی معطل کر دتا گیا اے۔
بھارتی میڈیا رپورٹاں دے مطابق ٹم ڈیوڈ آئی پی ایل 2026 دے فائنل وچ گجرات ٹائٹنز دے خلاف میچ دے دوران امپائر نتین مینن ول جارحانہ انداز وچ آئس بیگ سٹن (پھینکنے) دے جرم وچ سزا یافتہ قرار پائے نیں۔
رپورٹ دے مطابق ایہہ ٹم ڈیوڈ دا ایس سیزن دا تیسرا لیول 1 جرم سی جیہدے نتیجے وچ اوہناں نوں میچ فیس دا 50 فیصد جرمانہ ادا کرنا ہوئے گا تے دو ڈی میرٹ پوائنٹس وی ملے۔ ایہہ واقعہ گجرات دی اننگز دے دسویں اوور وچ پیش آیا جدوں واشنگٹن سندر دی گیند تے جورڈن کاکس دے کیچ نوں ناٹ آؤٹ قرار دتا گیا سی۔ آئی پی ایل دے ضابطہ اخلاق دے آرٹیکل 2.9 دے تحت کسے کھلاڑی، ٹیم افسر، امپائر یا کسے تیسرے بندے ول خطرناک یا نامناسب طریقے نال گیند یا کوئی کرکٹ دا سامان سٹنا جرم اے۔
واضح رہے کہ ٹم ڈیوڈ نے پہلاں وی ایس سیزن وچ دو وار خلاف ورزی کیتی سی۔
