بنگلادیش نوں ہرا کے پاکستان انڈر 18 ایشیا کپ ہاکی ٹورنامنٹ دے سیمی فائنل وچ پہنچ گیا
پاکستان انڈر 18 ہاکی ٹیم بنگلادیش نوں ہرا (شکست دے) کے انڈر 18 ہاکی ایشیا کپ دے سیمی فائنل وچ پہنچ گئی اے۔
جاپان وچ جاری ایونٹ دے پول بی (Pool B) دا آخری میچ پاکستان تے بنگلادیش دے وچکار کھیڈیا گیا، جِہدے وچ پاکستان نے بنگلادیش نوں 2 دے مقابلے وچ 5 گولاں توں ہرایا۔
تریجے (تیسرے) منٹ وچ عبداللہ نے پاکستان نوں برتری دوا دتی، پر بارہویں منٹ وچ منا اسلام نے مقابلہ برابر کر دتا۔
دوجے (دوسرے) کوارٹر وچ کوئی وی ٹیم گول نہ کر سکی، تریجے کوارٹر وچ عدیل نے پاکستان ولوں دوجا گول کیتا، پر تن منٹ بعد ای بنگلادیش نے مقابلہ فیر برابر کر دتا۔ 39ویں منٹ وچ پاکستان نوں پنالٹی اسٹروک ملیا جِہدے تے حیدر اعصام نے گول داغ دتا۔
ایس توں بعد عبداللہ اعوان تے محمد یحییٰ نے فیلڈ گول کر کے پاکستان نوں 2 دے مقابلے وچ 5 گولاں توں کامیابی دوا دتی۔
ایس طرحاں پاکستان نے ایونٹ دے سیمی فائنل لئی کوالیفائی کر لیا اے، جتھے اوہدا جمعے والے دہاڑے (روز) بھارت (انڈیا) نال ٹاکرا (مقابلہ) ہووے گا۔
