زیارت توں اغوا کیتے گئے پولیس افسر سمیت 3 بندے بازیاب
بلوچستان دے ضلع زیارت دے نیڑے ‘مانگی’ توں دو ہفتے پہلاں اغوا کیتے گئے چاراں وچوں تن بندے بازیاب ہو گئے نیں۔
تفصیلات دے مطابق ایس پی زیارت طلال شاہ نے دَسیا کہ 21 مئی نوں کُچھ ہرنائی روڈ تے مانگی دے مقام تے نامعلوم بندیاں نے کوئلے نال لَڈے (لوڈ) پنج ٹرکاں نوں اَگ لا دتی (نذرِ آتش کیا)۔
ایس پی زیارت دے مطابق ایس دوران ملزمان پولیس افسر مسعود خان پانیزئی سمیت دو بندیاں اشرف خان پانیزئی تے جاوید پانیزئی نوں مانگی توں، جَد کہ اک ہور بندے ملک شین گل ترین نوں ‘ناکس’ توں بندوق دی نوک (گن پوائنٹ) تے اغوا کر کے اپنے نال لے گئے سن۔
ایس پی زیارت طلال شاہ نے دَسیا کہ بدھ والے دہاڑے (روز) مانگی توں اغوا کیتے گئے تن بندے بازیاب ہو گئے نیں، پر شین گل ترین ہجے تیکر لاپتہ نیں۔
