سولر صارفین دا حوصلہ ڈھاون دا فیصلہ گھٹ بجلی استعمال کرن والیاں تے زیادہ فکسڈ چارجز لاؤن دی تجویز
حکومت نے صنعتاں (انڈسٹریز) لئی نواں بجلی ٹیرف لیاوݨ دا مڈھلا ڈھانچہ (منصوبہ) تیار کر لیا اے۔ بجلی دے گھٹ ورتݨ (استعمال) تے بھاری چارجز لائے جاݨ گے جَد کہ زیادہ ورتݨ تے سکھ (رعایت) ملے گی۔
سُوجھواناں (ذرائع) دا کہنا اے کہ سولر تے منتقل ہوݨ والیاں صنعتاں دا حوصلہ ڈھاوݨ (حوصلہ شکنی) لئی حکومت نے صنعتاں لئی نواں بجلی ٹیرف لیاوݨ دا منصوبہ تیار کیتا اے۔ گھٹ بجلی ورتݨ والیاں صنعتاں تے زیادہ فکسڈ چارجز لاؤݨ دی تجویز اے۔
پاور ڈویژن دے سُوجھواناں دے مطابق نویں ٹیرف پالیسی اَگلے 2 مہینیاں وچ لاگو (نافذ) ہوݨ دا امکان اے، زیادہ بجلی ورتݨ والیاں نوں فی یونٹ سستی بجلی دیݨ دی تجویز اے، صنعتی بجلی 6 توں 8 سینٹ فی یونٹ تیکر لیائی جا سکدی اے۔ نواں ٹیرف منصوبہ آئی ایم ایف (IMF) نال وی سانجھا کر دتا گیا اے، جِس تے آئی ایم ایف نے بجلی دے ورتݨ تے گرڈ چھڈݨ والیاں صنعتاں دا ڈیٹا منگ لیا اے۔
سُوجھواناں دے مطابق مڈھلے مرحلے (ابتدائی مرحلے) وچ ایس ٹیرف دا اطلاق صرف صنعتی صارفین تے ہوئے گا، اَگلے مرحلے وچ ایہنوں کمرشل تے گھریلو صارفین تیکر ودھائے جاݨ (توسیع دینے) دا امکان اے۔ نویں پالیسی نال بجلی دی منگ (طلب) وچ ہک ہزار میگاواٹ وادھے دا اندازہ (تخمینہ) لایا گیا اے۔
افسران (حکام) دا کہنا اے کہ قومی گرڈ دے خرچے (اخراجات) پورے کرن لئی نویں پالیسی بہت ضروری اے، تے ایس پالیسی دا مقصد صنعتاں نوں قومی گرڈ ورتݨ لئی راضی کرنا (ترغیب دینا) اے۔
