صارفین دے تحفظ لئی واٹس ایپ وچ اک بہترین فیچر دا وادھا
واٹس ایپ ولوں اک ایہو جیہا نواں فیچر سامنے لیایا جا رہا اے جیہڑا صارفین نوں ممکنہ فراڈ توں بچاء (تحفظ) فراہم کرے گا۔
واٹس ایپ نوں ڈھیر سارے بندیاں ولوں فراڈ (اسکام) لئی ورتیا جاندا اے۔
ایس فیچر نوں ‘اسکام الرٹ’ دا ناں دتا گیا اے تے ہالی ایہ صرف بیٹا (beta) ورژن وچ ویکھیا گیا اے۔
‘WABetaInfo’ دی رپورٹ دے مطابق واٹس ایپ دا مقصد کسے اوپری (نامعلوم) کانٹیکٹ ولوں بھیجے گئے میسج بارے وادھو (اضافی) الرٹ دینا اے۔ ایہو جیہے معاملاں وچ ایہ چتاونی (انتباہ) سِدھی چیٹ دے اندر نظر آئے گی تے صارفین اوسے حساب نال میسج دا جواب دیݨ دا فیصلہ کر سکن گے۔
ایہ فیچر کسے فراڈ دی کوشش ویلے خودکار (اوتومیٹک) طریقے نال وچکار نہیں آئے گا (مداخلت نہیں کرے گا) بلکہ کسے ممکنہ خطرے نوں بھانپݨ (تجزیہ کرنے) بارے تفصیلاں دسے گا۔
صارفین خود فیصلہ کر سکن گے کہ اوہ میسج بھیجݨ والے بندے نوں بلاک کر کے اوس کانٹیکٹ دی رپورٹ کرن یا فیر چیٹ تے بھروسا (اعتماد) کرن۔
رپورٹ وچ ہور دَسیا گیا کہ ایس فیچر دا اصل مقصد کسے فراڈ میسج بارے شروع وچ ای خبردار کر دیݨا اے۔
ایس فیچر دا اک سبھ توں اہم پاسا ڈیٹا ہینڈلنگ دا اے، تے رپورٹ دے مطابق کسے ممکنہ فراڈ میسج دی جاچ پڑتال (تجزیہ) سمارٹ فون دے اندر ای ہووے گی تے اوہدا مواد کمپنی دے سرورز تے نہیں بھیجیا جائے گا۔
یعنی ایس گل نوں پکا کیتا جائے گا کہ میسجز نوں ‘اینڈ ٹو اینڈ انکرپشن’ دا تحفظ ملدا رہے۔
واٹس ایپ ولوں ایہو جہی ٹیکنالوجی دا استعمال وائس میسجز دے ٹرانسکرپشن (لوکاں دی آواز نوں لکھت وچ بدلݨ والے) فیچر لئی وی کیتا جا رہا اے۔
کمپنی ولوں لوکل ایکٹیویٹی لاگز تے وی کم کیتا جا رہا اے جِس وچ اسکام الرٹ دیاں تفصیلاں موجود ہووݨ گئیاں۔
رپورٹ دے مطابق ایہ فیچر آپشنل ہووے گا تے پہلے توں ڈس ایبل (بند) ہووے گا، صارفین نوں خود ایہنوں آن (ان ایبل) کرنا پئے گا۔
جیویں اوپر دَسیا جا چکیا اے کہ ہالی ایہ فیچر بیٹا ورژن وچ نظر آیا اے، ایس لئی ایہنوں سارے صارفین لئی کَد تیکر پیش کیتا جائے گا، ایہ کہنا ہالی اوکھا اے۔
