لہور:بڈی نے اختلافات تے داج وچ مِلی گڈی ویچن تے شوہر تے فراڈ دا مقدمہ درج کروا دتا

بیوی نے اختلافات تے داج (جہیز) وچ مِلی گڈی ویچݨ تے شوہر دے خلاف لاہور ہائیکورٹ وچ فراڈ دا مقدمہ درج کروا دتا۔

سماعت دے دوران عدالت نے ریمارکس دتے کہ بیوی نے شوہر کول بطور امانت رکھوائی گئی گڈی ویچݨ تے پرچہ درج کروایا، ریکارڈ دے مطابق گڈی بیوی دے ناں سی، شوہر صرف اوہنوں ورت (استعمال کر) رہا سی۔

عدالت دا آکھݨ سی کہ درخواست گزار دے مطابق بیوی نے خاندانی تنازعے (جھگڑے) پاروں مقدمہ درج کروایا، درخواست گزار دے مطابق بیوی نے داج دے سامان (سامانِ جہیز) دا دعویٰ وی فیملی کورٹ وچ دائر کر رکھیا اے۔

لاہور ہائیکورٹ دے مطابق شکایت کنندہ (بیوی) نے خود فیملی کورٹ وچ گڈی نوں داج دا سامان قرار دتا سی، بیوی نے ایف آئی آر (FIR) وچ عدالت وچ چل رہے فیملی کیس دا ذکر نہیں کیتا، ریکارڈ دے مطابق گڈی ہجے وی بیوی دے ناں تے ای رجسٹرڈ اے۔

عدالت نے آکھیا کہ ایہ مقدمہ میاں بیوی دے خراب تعلقات دا نتیجہ لگدا اے، ملزم تفتیش وچ شامل ہو چکا اے تے ریکارڈ تے کسے بدنیتی دا ثبوت نہیں ملیا۔

لاہور ہائیکورٹ دے جسٹس طارق محمود باجوہ نے 2 لاکھ روپے دے مچلکیاں دے عوض شہری دی عبوری ضمانت پکی (کنفرم) کر دتی۔