تنخواہواں وچ 10 توں 15 فیصد اضافے دی تجویز، وزیر اعظم اتحادیاں نال مشاورت توں بعد حتمی فیصلہ کرنگے
اسلام آباد: وفاقی حکومت نے مالی سال 27-2026 دے بجٹ وچ تنخواہواں وچ 10 توں 15 فیصد اضافہ تجویز کیتا اے۔
وزیر اعظم شہباز شریف نے آؤن والے مالی سال دے بجٹ اتے صلاح مشورہ کیتا اے، ایہ مشورہ جمعے والے دہاڑے (روز) وزیر اعظم ہاؤس وچ ہوݨ والے اجلاس وچ کیتا گیا، ایہ ہک غیر رسمی اجلاس سی جِس دی کوریج نہیں کیتی گئی۔
اجلاس وچ نویں مالی سال دے بجٹ خاص طور تے پی ایس ڈی پی (PSDP)، ٹیکسز، تنخواہواں تے پنشن وچ اضافے دے معاملیاں (ایشوز) تے گل بات کیتی گئی۔
وفاقی وزیر خزانہ نے وزیر اعظم شہباز شریف نوں بجٹ دے اہم پہلوآں بارے بریفنگ دتی، ذرائع دے مطابق مہنگائی (افراط زر) دی شرح دے حساب نال سرکاری ملازمین دی تنخواہواں وچ 10 فیصد توں 15 فیصد دے وچکار اضافے دی تجویز اے پر وزیر اعظم نے ہدایت کیتی اے کہ متوقع وسائل نوں ساہمنڑے رکھدیاں ہویاں ورکنگ کیتی جائے کہ ملازمین نوں کِنا ریلیف دِتا جا سکدا اے۔
ذرائع دے مطابق سرکاری ملازمین دی تنخواہواں وچ اضافے دا حتمی فیصلہ وزیر اعظم شہباز شریف اتحادیاں نال صلاح مشورے توں بعد کرن گے۔
