آسٹریلیا: مچھی دا شکار کرن آؤݨ والا بندہ شارک دے حملے نال ہلاک

مغربی آسٹریلیا دے ساحل اتے شارک دے حملے نال ہک بندہ ہلاک ہو گیا۔

غیر ملکی میڈیا دے مطابق مغربی آسٹریلیا دی ریاست پرتھ توں لگ بھگ 388 کلومیٹر دکھن (جنوب) وچ البانی قصبے دے نیڑے مائیکلمس جزیرے اتے ہک نوجوان اپنے ٹبر (خاندان) نال مچھیاں دے شکار اتے گیا سی۔ شکار دے دوران شارک نے نوجوان اتے حملہ کر دتا جِس نال اوہ ناہلی (بری طرح) زخمی ہو گیا، اطلاع ملدیاں ہی نوجوان نوں ساحل اتے لیایا گیا جتھے پیرامیڈیکس نے اوہدا علاج کیتا پر اوہ پھٹاں دی تاب نہ سہاردیاں ہویاں (زخموں کی تاب نہ لاتے ہوئے) چل بسا۔

میڈیا رپورٹاں دے مطابق 3 ہفتیاں وچ شارک دے حملے نال 3 بندے ہلاک ہو چکے نیں۔