گلگت: گلیشیئر دے پگھلاؤ پاروں دریا وچ پاݨی دی سطح بلند، الرٹ جاری

ضلع نگر دے آخری پنڈ ہسپر وچ گلیشیئر دے پگھلاؤ پاروں دریا دا کٹاؤ (بہاؤ) تے لینڈ سلائیڈنگ جاری اے، این ڈی ایم اے نے وی الرٹ جاری کر دتا اے۔

نگر دے آخری پنڈ ہسپر وچ گلیشیئر پگھلݨ نال دریائی کٹاؤ تے لینڈ سلائیڈنگ پاروں پاݨی دی سطح ودھ رہی اے۔ نگر خاص چوک توں اگے دے سارے راستے بند ہو گئے نیں۔

ایس توں پہلے این ڈی ایم اے نے الرٹ جاری کیتا سی کہ گرمی دی شدت وچ وادھے پاروں گلگت بلتستان وچ گلیشیئرز دے پگھلݨ وچ تیزی آ گئی اے۔ ہسپر ہوپر گلیشیئر پگھلݨ نال دریا وچ پاݨی دے بہاؤ تے سطح وچ لگاتار وادھا ہو رہا اے۔

ترجمان دے مطابق این ڈی ایم اے ساریاں حالتاں توں پوری طرحاں باخبر اے تے مانیٹرنگ دا کم لگاتار جاری اے۔ این ڈی ایم اے نے متعلقہ انتظامیہ نوں دریا دے کنڈے وسݨ والے رہائشیاں لئی فوراً حفاظتی انتظام کرن دی ہدایت جاری کر دتی اے۔

گروجگلوٹ، رحیم آباد، نومل، جوتل، جگلوٹ کالونی تے چلمش دے رہائشیاں سمیت مسافراں نوں وی احتیاطی تدابیر اپناؤݨ دی تاکید کیتی گئی اے۔