“گردیاں نوں نقصان پہنچاؤن دا کارن بنن والیاں 8 عام عادتاں”
“گردے ساڈے جسم وچ کسے واٹر فلٹر وانگوں کام کردے نیں۔”
واٹر فلٹر انہاں چیزاں نوں پانی چوں خارج کردا اے جو ساڈے جسم لئی نقصان دہ ہوندیاں نیں تے ساڈے گردے وی یہی کم کردے نیں۔ گردے خون نوں فلٹر کردے نیں جس دے دوران زہریلے مواد تے اضافی سیال (پانی) نوں جسم چوں خارج کردے نیں جبکہ پوٹاشیم، سوڈیم تے دوجے اجزا دی سطح نوں متوازن رکھدے نیں۔
ایس دے نال نال گردے ایسے ہارمونز وی بناندے نیں جو بلڈ پریشر توں لے کے ہڈیاں دی مضبوطی دے حوالے نال اہم کردار ادا کردے نیں، اسان لفظاں وچ گردے بہت اہم ہوندے نیں۔
6 گھنٹے توں گھٹ نیند نال جسم تے مرتب ہون والے 19 اثرات
اک اندازے (تخمینہ) دے مطابق دنیا بھر وچ ہر 10 چوں ایک بندے نوں گردیاں دے دائمی (پرانے) امراض دا سامنا ہوندا اے جس دے نتیجے وچ سیال تے دوجا مواد جسم وچ اکٹھا ہون لگ پیندا اے۔ چند عام چیزاں یا عادتاں گردیاں دے امراض نال متاثر ہون دا خطرہ ودھاندیاں نیں۔ ایہہ بظاہر بہت عام تے بے ضرر عادتاں یا چیزاں ہوندیاں نیں پر اوہ گردیاں لئی تباہ کن ثابت ہو سکدیاں نیں۔
پروٹین دا بہت زیادہ استعمال
صحت لئی مفید غذا دے حوالے نال پروٹین ایسا جز اے جو جسم لئی بہت اہم ہوندا اے پر ایس دا بہت زیادہ استعمال گردیاں لئی نقصان دہ ثابت ہو سکدا اے۔
آم کھان نال جسم تے مرتب ہون والے اثرات دے بارے جاندے او؟
ویسے تے صحت مند بندیاں لئی زیادہ پروٹین دا استعمال گردیاں لئی نقصان دہ نہیں، پر جدوں گردیاں نوں پہلاں ہی کسے قسم دے مسئلے دا سامنا ہووے تے پروٹین دا زیادہ استعمال گردیاں دے امراض دا خطرہ ودھا دیندا اے۔ پروٹین دی زیادہ مقدار دا استعمال گردیاں نوں زیادہ کم کرن تے مجبور کردا اے جس دا نتیجہ مختلف امراض دی شکل وچ نکلدا اے۔
نمکین اشیا دا شوق
ویسے تے کہیا جاندا اے کہ بہت زیادہ نمک بلڈ پریشر ودھاندا اے پر ایہہ گردیاں نوں نقصان پہنچاؤن دا عمل وی تیز کر دیندا اے۔
روزانہ کتنی مقدار وچ نمک استعمال کرنا صحت لئی نقصان دہ ہوندا اے؟
نمک دے زیادہ استعمال نال گردیاں وچ پتھری دا خطرہ ودھدا اے کیونکہ جدوں اسیں زیادہ نمک دا استعمال کردے آں تے جسم پیشاب دے ذریعے ایہنوں خارج کرن دی کوشش کردا اے پر نمک دے نال نال کیلشیئم وی زیادہ مقدار وچ خارج ہوندا اے۔ یعنی پیشاب وچ کیلشیئم دی مقدار ودھ جاندی اے جس نال گردیاں وچ پتھری دا خطرہ ودھدا اے۔
تمباکو نوشی
تمباکو نوشی نال ہائی بلڈ پریشر تے شوگر (ذیابیطس) ٹائپ ٹو جیسے امراض دی شدت ودھ جاندی اے تے ایہہ دونویں گردیاں دے امراض دا خطرہ ودھاؤن والے 2 وڈے عنصر نیں۔
روزانہ چائے پین نال جسم تے مرتب ہون والے اثرات
ایس دے نال نال تمباکو نوشی نال گردیاں ول خون دا بہاؤ گھٹ جاندا اے جس دے نتیجے وچ ایس عضو (حصے) دے مسائل زیادہ سنگین ہو جاندے نیں۔ اک تحقیق وچ پتہ لگا اے کہ تمباکو نوشی نال گردیاں دے کینسر دا خطرہ 40 فیصد تک ودھ جاندا اے۔
میٹھے مشروبات دا استعمال
جے تسیں روزانہ 2 یا ایس توں ودھ میٹھے مشروبات (کولڈ ڈرنکس یا شربت) دا استعمال کردے او تے ایس نال گردیاں دے امراض نال متاثر ہون دا خطرہ ودھ جاندا اے۔
فالسہ صحت لئی کتنا فائدہ مند ہوندا اے؟
اک تحقیق وچ پتہ لگا اے کہ سوڈا تے میٹھے مشروبات دا زیادہ استعمال گردیاں دے دائمی امراض نال متاثر ہون دا خطرہ ودھا سکدا اے۔
پانی دی کمی
گردیاں نوں ٹھیک طریقے نال کم کرن لئی پانی دی لوڑ ہوندی اے، جے جسم وچ پانی دی کمی ہو جائے تے خاص طور تے ایسا اکثر ہون لگے تے ایس نال گردیاں نوں نقصان پہنچدا اے۔ مناسب مقدار وچ پانی نہ پین نال گردیاں دے اندر موجود ننھے فلٹرز رک جاندے نیں جس نال گردیاں وچ پتھری تے انفیکشنز دا خطرہ ودھدا اے۔
صحت مند افراد دا بلڈ پریشر کتنا ہونا چاہیدا اے، کی تہانوں معلوم اے؟
طبی ماہرین دے مطابق روزانہ 4 توں 6 گلاس پانی پینا وی گردیاں دی صحت نوں درست رکھن وچ مدد دیندا اے، جبکہ جسم وچ پانی دی کمی پاروں جسم نوں بلڈ پریشر معمول تے رکھن لئی سخت محنت کرنی پیندی اے، جس نال گردیاں نوں خون دا بہاؤ متاثر ہوندا اے۔
درد کش دوائیاں (Painkillers) دا بے جا استعمال
زیادہ مقدار وچ درد کش دوائیاں دا استعمال وی گردیاں نوں نقصان پہنچاندا اے۔ انہاں دوائیاں دے استعمال نال گردیاں لئی خون دا بہاؤ گھٹ جاندا اے جس نال ایس عضو نوں نقصان پہنچدا اے۔
ہائی بلڈ پریشر توں تحفظ فراہم کرنے والی بہترین 16 غذائیں
تے انہاں درد کش دوائیاں دا استعمال ڈاکٹر دے مشورے نال ہی کرنا چاہیدا اے۔
جسمانی وزن دا خیال نہ رکھنا
اضافی جسمانی وزن جسم تے دباؤ ودھاندا اے جبکہ موٹاپے نال شوگر (ذیابیطس) ٹائپ 2 نال متاثر ہون دا خطرہ وی ودھدا اے۔ شوگر نال گردیاں دے امراض دا خطرہ ودھدا اے۔
روزانہ کتنے کپ چائے پینا صحت لئی مفید ہوندا اے؟
شوگر دے شکار مریضاں نوں انسولین دے مسائل دا سامنا ہوندا اے جس نال جسمانی سوزش (ورم) ودھدی اے تے گردیاں تے منفی اثرات مرتب ہوندے نیں۔
الکحل
الکحل جسم دے دوجے اعضا وانگوں گردیاں لئی وی نقصان دہ اے۔ ایس پاروں گردیاں دے دائمی امراض دا خطرہ ودھدا اے۔
