زیادہ توں زیادہ وسائل پیدا کرنا تے دفاع لئی وسائل دی فراہمی ساڈی ترجیح اے، وزیراعظم
اسلام آباد: وزیراعظم شہباز شریف نے کہیا اے کہ زیادہ توں زیادہ وسائل پیدا کرنا تے دفاع لئی وسائل دی فراہمی ساڈی ترجیح اے، دہشت گردی دے چیلنج نال نمٹن لئی وسائل دی لوڑ اے۔
قومی اقتصادی کونسل نال خطاب وچ وزیراعظم شہباز شریف دا کہنا سی کہ بجٹ دے حوالے نال صوبیاں نال کئی ہفتیاں توں مشاورت جاری اے، صوبیاں نال ہور وسائل پیدا کرن دے حوالے نال مشاورت ہوئی، جی ڈی پی وچ تیزی لئی ایسے اقدامات کرنے ہون گے جس نال ایکسپورٹ (برآمدات) ودھن۔
وزیراعظم شہباز شریف دا کہنا سی کہ معیشت وچ میکرو لیول تے بہتری آئی اے پر ابھی ہور محنت کرن دی لوڑ اے، ٹیم ورک دے طور تے پاکستان دے بہترین مفاد وچ فیصلے کیتے، ملکی معیشت نوں وڈے چیلنجز دا سامنا کرنا پیا، مشکلاں دے باوجود کوشش کیتی کہ آئی ایم ایف پروگرام تے عمل پیرا رہیے، کل رات ایم ڈی آئی ایم ایف نال گل کیتی، انہوں نے پاکستان دیاں مخلصانہ کوششاں نوں سلاہیا۔
انہاں دا کہنا سی کہ خطے دی صورتحال پاروں تیل دیاں قیمتاں اسمان نال گلاں کرن لگ پئیاں نیں، صوبیاں نے ایس حوالے نال بھرپور تعاون کیتا، روزگار دے موقعے، برآمدات، معاشی بہتری تے پیداواری صلاحیت ودھانا سب دی سانجھی (مشترکہ) ذمہ داری اے، تیل دیاں قیمتاں دی مد وچ عوام نوں 128 ارب روپے دا ریلیف فراہم کیتا، دنیا دے کئی ملکاں وچ پیٹرول پمپاں تے لائناں دیکھن وچ آئیاں، بروقت اقدامات پاروں پاکستان وچ عوام نوں پیٹرول لبھدا (دستیاب) رہا۔
