مظفر آباد: پاک فوج دے ایم آئی 17 ہیلی کاپٹر نوں حادثہ، سارے اہلکار شہید
راولپنڈی: پاکستان آرمی ایوی ایشن دا ایم آئی 17 ہیلی کاپٹر حادثے دا شکار ہو گیا۔
پاک فوج دے شعبہ تعلقات عامہ (آئی ایس پی آر) دے مطابق پاکستان آرمی ایوی ایشن دا ایم آئی 17 ہیلی کاپٹر مظفر آباد دے نیڑے حادثے دا شکار ہویا۔
آئی ایس پی آر نے دسیا کہ ایم آئی 17 ہیلی کاپٹر ٹیک آف دے دوران تکنیکی خرابی پاروں حادثے دا شکار ہویا جس دے نتیجے وچ ہیلی کاپٹر وچ سوار سارے اہلکار شہید ہو گئے۔
آئی ایس پی آر دا کہنا اے کہ ریسکیو تے ریکوری ٹیماں فوراً حادثے والی جگہ تے پہنچ گئیاں، حادثے دی اصل تکنیکی وجہ جانن لئی بورڈ آف انکوائری دا حکم دے دتا گیا اے۔
آئی ایس پی آر دے مطابق چیف آف ڈیفنس فورسز نے ہیلی کاپٹر حادثے وچ قیمتی جاناں دے ضیاع تے افسوس دا اظہار کردیاں لواحقین نال دلی تعزیت کیتی اے۔
وزیراعظم شہباز شریف نے مظفر آباد دے نیڑے پاک فوج دے ایم آئی-17 ہیلی کاپٹر حادثے تے افسوس دا اظہار کردیاں شہید اہلکاراں نوں خراجِ عقیدت پیش کیتا۔
