جنوبی افریقا وچ مسلح بندیاں دی فائرنگ نال 12 بندے ہلاک
جنوبی افریقا دے شہر جوہانسبرگ دے نیڑے فائرنگ نال 12 بندے ہلاک ہو گئے۔
غیر ملکی میڈیا دے مطابق مقامی پولیس نے دسیا کہ فائرنگ دا واقعہ جوہانسبرگ دے نیڑے اک کچی آبادی (انفارمل سیٹلمنٹ) وچ پیش آیا جتھے 10 توں وڈھ مسلح بندیاں نے رات دے ویلے دھاوا بول کے 12 بندیاں نوں گولی مار کے ہلاک کر دتا۔
پولیس دا کہنا اے کہ فائرنگ نال ہلاک ہون والیاں وچ 3 سوانیاں (خواتین) وی شامل نیں، جدکہ 9 بندے زخمی ہوئے نیں جنہاں نوں ہسپتال منتقل کیتا گیا اے۔
پولیس دے مطابق واقعے دی وجہ بارے ہلے تیکر کجھ معلوم نہیں ہو سکیا، پر تحقیقات جاری نیں۔
