پی ٹی آئی دے رکنِ قومی اسمبلی اقبال آفریدی پورے بجٹ سیشن لئی معطل

اسلام آباد: قومی اسمبلی دے سپیکر ایاز صادق نے تحریکِ انصاف دے رکن اقبال آفریدی نوں پورے بجٹ سیشن لئی معطل کر دِتا۔

سپیکر نے سارجنٹ ایٹ آرمز نوں اقبال آفریدی نوں ایوان توں باہر کڈھن دا حکم دِتا تے آکھیا کہ اقبال آفریدی نے اوہناں دے سٹاف اُتے ہتھ چکیا، ڈی جی میڈیا نال بدتمیزی کیتی، اقبال آفریدی نے پولیس اہلکاراں نال وی بدتمیزی کیتی جیہڑی بالکل ناپسندیدہ اے۔

ایس دوران فرح ناز اکبر نے اقبال آفریدی دی رکنیت معطلی دی تحریک پیش کیتی جیہنوں ایوان نے کثرتِ رائے نال منظور کر لِیا۔

اقبال آفریدی نوں پورے بجٹ سیشن لئی معطل کر دِتا گیا تے سپیکر قومی اسمبلی نے آکھیا کہ اقبال آفریدی نوں کسے وی قسم دے الاؤنسز نہیں ملن گے۔