ایم کیو ایم دے وفد دی وزیراعظم نال ملاقات چ کراچی تے حیدرآباد لئی 25 ارب روپے دے ترقیاتی پیکج تے اتفاق ہو گیا اے۔
اسلام آباد: وزیراعظم شہباز شریف نے ایم کیو ایم پاکستان دے مطالبے تے کراچی تے حیدرآباد لئی ترقیاتی پیکج دی حامی بھر لئی اے۔
ایم کیو ایم پاکستان دے وفد نے وزیراعظم شہباز شریف نال ملاقات کیتی جس چ ڈاکٹر خالد مقبول صدیقی، ڈاکٹر فاروق ستار، مصطفیٰ کمال، امین الحق تے جاوید حنیف شامل سن، جد کہ وزیراعظم دے نال اسحاق ڈار، رانا ثناء اللہ، احسن اقبال، اعظم نذیر تارڑ تے عطا اللہ تارڑ موجود سن۔
ذرائع دے مطابق ایم کیو ایم دے وفد نے بجٹ تجاویز، بلدیاتی حکومتاں بارے مجوزہ آئینی ترمیمی بل تے سندھ چ گورنر دے معاملے تے گل بات کیتی۔
ذرائع دا کہنا اے کہ وزیراعظم نے کراچی لئی 20 ارب تے حیدرآباد لئی 5 ارب روپے دے ترقیاتی پیکج دی حامی بھر لئی اے۔
ذرائع نے دسیا کہ حکومت ولوں ایم کیو ایم دے مجوزہ آئینی ترمیمی بل تے ایم کیو ایم دے نال رل کے پیپلز پارٹی نال گل کرن دی یقین دہانی وی کروائی گئی اے۔
وزیراعظم نے آکھیا کہ مسلم لیگ (ن) ایم کیو ایم دے مجوزہ آئینی ترمیمی بل دی حمایت کردی اے۔
