ایران امریکا معاہدے دے بارے وچ اک دو دناں وچ چنگی خبر آئے گی، وزیر اعظم تے فیلڈ مارشل پاکستان دی نمائندگی کرن گے: وزیرداخلہ
وزیر داخلہ محسن نقوی نے آکھیا اے کہ امریکا ایران جنگ دا مسئلہ جلدی حل ہوئے گا تے صلح ہوئے گی، وزیر اعظم تے فیلڈ مارشل پاکستان دی نمائندگی کرن گے۔
لاہور وچ غیر رسمی گل بات کردیاں محسن نقوی دا کہنا سی کہ ایران امریکا معاہدے دے بارے وچ اک دو دناں وچ چنگی خبر آئے گی۔
اوہناں نے آکھیا کہ امریکا ایران جنگ دا مسئلہ جلدی حل ہوئے گا تے صلح ہوئے گی، وزیر اعظم تے فیلڈ مارشل پاکستان دی نمائندگی کرن گے۔
اوہناں دا کہنا سی کہ تیل دیاں قیمتاں نوں پلاننگ نال مستحکم رکھیا گیا اے، جے ایہنج نہ کردے تاں پیٹرول دی قیمت ڈھائی سو روپے اکو ویلے ای ودھ جاندی۔
چیتے رہے کہ وزیراعظم شہباز شریف دا کہنا اے کہ امریکا تے ایران امن معاہدے دے بہت زیادہ نیڑے نیں، اگلے 24 گھنٹیاں وچ معاہدے نوں حتمی شکل دتے جان دی امید اے تے پاکستان معاہدے تے الیکٹرانک دستخط دی تیاری کر رہیا اے۔
اوہناں دا کہنا سی کہ اگلے ہفتے تکنیکی پدھر (سطح) دے مذاکرات ہون گے، مسلسل عزم تے مذاکرات دے دوران تعمیری کردار تے امریکا تے ایران دے شکر گزار آں، یقین اے ایہ تاریخی امن معاہدہ خطے وچ دیرپا امن، استحکام تے باہمی تعاون لئی مضبوط بنیاد فراہم کرے گا۔
