بھارت: نشے وچ دھت ڈرائیور نے اسکول توں گھر جاندے ہوئے 3 بچیاں نوں کچل دتا
بھارت وچ نشے وچ دھت ڈرائیور نے اسکول توں گھر جاندے ہوئے 3 بچیاں نوں کچل دتا۔
بھارتی میڈیا دے مطابق ایہ واقعہ ریاست تامل ناڈو دے پنڈ کاراکوٹائی وچ پیش آیا جتھے گورنمنٹ ہائر سیکنڈری اسکول دے نیڑے 4 طالب علم اسکول توں اپنے گھر ول جا رہے سن کہ اچانک ایک تیز رفتار گڈی نے اوہناں نوں ٹکر مار دتی۔
ریسکیو حکام نے دسیا کہ حادثے دے نتیجے وچ 3 بچے ہلاک ہوئے تے اک بچہ بری طرح زخمی ہوا جیہنوں علاج لئی فوراً ہسپتال منتقل کیتا گیا اے، جڈوں کہ مرن والے تینوں بچیاں دی عمر 12 سال سی۔
واقعے توں بعد علاقے دے لوکاں نے سڑک بلاک کر کے احتجاج کیتا جس تے پولیس نے اوہناں نوں تتر بتر (منتشر) کردیاں ڈرائیور دے خلاف قانونی کارروائی دا یقین دوایا۔
پولیس دے مطابق ڈرائیور دی پچھان لوگناتھن دے ناں توں ہوئی اے جو گڈی چلاندے ہوئے مبینہ طور تے شراب دے نشے وچ دھت سی۔
مڈھلی (ابتدائی) تحقیقات توں پتا لگا اے کہ ڈرائیور تیز رفتاری نال گڈی چلا رہیا سی جس پاروں اوہ گڈی دا کنٹرول گوا بیٹھا تے بچیاں نال جا ٹکرایا، واقعے توں بعد پولیس نے ڈرائیور نوں گرفتار کر لیا اے۔
