پی سی بی نے سینٹرل کنٹریکٹس وچ وڈیاں تبدیلیاں دا اعلان کر دتا

پاکستان کرکٹ بورڈ (پی سی بی) نے سینٹرل کنٹریکٹس وچ وڈیاں تبدیلیاں دا اعلان کر دتا۔

پی سی بی دی طرفوں اعلان کیتے گئے سینٹرل کنٹریکٹس دے مطابق ٹریک اے تے بی وچ ٹیسٹ تے ون ڈے کرکٹرز نوں سینٹرل کانٹریکٹس ملن گے۔
پی سی بی دے مطابق ٹریک اے وچ ریڈ بال کرکٹ دے اسپیشلسٹ کرکٹرز شامل ہون گے جد کہ ٹریک بی تے سی وچ ون ڈے تے ٹی ٹوئنٹی دےکھلاڑی شامل ہون گے۔
پی سی بی دے مطابق ٹریک سی وچ صرف ٹی ٹوئنٹی دے کرکٹرز شامل کیتے جان گے جد کہ ٹریک ڈی وچ ڈیولپمنٹ تے اکیڈمی دےایمرجنگ کرکٹرز شامل ہون گے۔
کھلاڑیاں دا 85 فیصد کنٹریکٹ کارکردگی دی بنیاد اتے ہوئے گا: محسن نقوی
چیئرمین پی سی بی محسن نقوی نے اس حوالے توں بریفنگ وچ آکھیا کہ ڈومیسٹک کرکٹ وچ وی ڈیٹا نوں شامل کر رہے نیں ،کھلاڑیاں دا 85 فیصد کنٹریکٹ کارکردگی دی بنیاد اتے ہوئے گا، اچھے ریزلٹ لینا اساں سبھ دی ذمہ داری اے۔
ایہ وی پڑھو
چیئرمین پی سی بی محسن نقوی نوں بھارتی حکومت دی طرفوں آئی پی ایل دا دعوت نامہ اجے تک موصول نہیں ہویا: ذرائع
سینٹرل کانٹریکٹ دا اعلان: کوئی کھلاڑی اے کیٹیگری دا اہل نہ ہون پاروں کیٹیگری ختم، بابر تے رضوان دی وی تنزلی
پی سی بی دا سینٹرل کانٹریکٹ یافتہ کھلاڑیاں دے سوشل میڈیا اسپیس متعلق پالیسی سازی دا فیصلہ
محسن نقوی نے آکھیا کہ اسیں کرکٹ لئی سبھ کچھ مہیا کر رہے آں ،باہمی سیریز وچ نتائج اچھے نیں ٹورنامنٹ وچ اچھے نہیں رہندے اس اتے کم ہو رہیا اے، پرفارمنس توں علاوہ بھی بہت چیزاں نیں،اسیں مندے آں ٹورنامنٹس وچ اچھے نہیں ہن اسیں کم کر رہے آں بہتری دکھائی دے گی۔
چیئرمین پی سی بی نے آکھیا میں اس حق وچ آں کہ فٹنس ٹیسٹ میڈیا دے ساہمنے ہون، سلیکشن کمیٹی کول بہت کم کرن نوں اے ،اسیں پابند کر رہے آں کہ پلیئر ڈومیسٹک کرکٹ کھیڈن۔
اوہناں نے آکھیا کہ جے کوئی نہیں کھیڈے گا تاں اوہدے نتائج وی ساہمنے آئن گے،اسیں دستاویز وچ اک اک چیز نوں بڑی تفصیل نال پایا اے،کھلاڑیاں توں اچھا فیڈ بیک ملیا اے کھلاڑیاں نوں مکمل بریف کیتا گیا اے، ہن کوئی ایہ نہیں آکھے گا کہ اے نہیں ملی ،بی نہیں ملی۔
پی سی بی نے آکھیا کہ ہر فارمیٹ دی شناخت،اہمیت تے ضرورتاں نوں تسلیم کر لیا گیا،جدید کرکٹ دے بدلتے تقاضیاں دے مطابق نواں ماڈل تیار کیتا اے۔