قرآن نے سود لینے توں منع کیتا پر پاکستان دا ادھا بجٹ سود دی نذر ہو رہیا اے: سینیٹر دنیش کمار

سینیٹر دنیش کمار نے آکھیا کہ قرآن نے سود لینے توں منع کیتا پر پاکستان دا ادھا بجٹ سود دی نذر ہو رہیا اے

سینیٹ اجلاس نال خطاب کردیاں ہویاں سینیٹر دنیش کمار نے آکھیا کہ اسیں بجٹ دا 50 فیصد اللہ تے رسول نال جنگ اُتے خرچ کر رہے آں۔

دنیش کمار نے آکھیا کہ قرآن نے سود لینے توں منع کیتا پر پاکستان دا ادھا بجٹ سود دی نذر ہو رہیا اے، سینیٹر دنیش کمار نے اجلاس دے دوران سود دے متعلق قرآن دیاں آیتاں وی پڑھ دتیاں۔

سینیٹر دنیش کمار نے ایوان وِچ اپنے خیالاں دا اظہار کردیاں ہویاں پیٹرول دی اسمگلنگ اُتے وی گل کیتی، اوہناں نے آکھیا کہ پیٹرول اسمگل کر کے لے آؤنا بڑا اوکھا کم اے، کون اینا اوکھا کم کرنا چاہے گا، اپنے بالاں (بچیاں) دا ڈھڈ پالن لئی کیتا جاندا اے۔

دنیش کمار بولے جیہڑے ایران دے بارڈر توں پیٹرول لے کے آؤندے نے اوہ کنہاں اوکڑاں (مشکلاں) چوں لنگھدے نے، دنیش کمار نے زور دِتا کہ حکومت ایران توں پیٹرول لے کے آؤن نوں لیگل (قانونی) کر لوے۔

سینیٹر دنیش کمار دا ہور کہنا سی کہ فیلڈ مارشل سید عاصم منیر نے تیجی عالمی جنگ روک دتی۔