کراچی وچ بس مالکان ولوں اݨ مِتھے ویلے لئی ہڑتال دا اعلان
کراچی وچ ٹریفک دے بھاری چالاناں تے موٹے جرمانیاں توں تنگ آ کے ٹرانسپورٹرز سڑکاں تے آ گئے ہن، تے بس مالکان نے 18 جون توں اݨ مِتھے ویلے لئی ہڑتال تے جاون دا اعلان کیتا اے۔
‘کراچی بس اونرز ایسوسی ایشن’ نے فیصلہ کیتا اے کہ کل جمعرات توں پبلک ٹرانسپورٹ پورے طریقے نال بند رہے گی۔ ایسوسی ایشن دے صدر فاروق احمد نے سارے بس مالکان نوں اپیل کیتی اے کہ اوہ کل توں سڑکاں تے بسیں نہ کڈھن۔
صدر کراچی بس اونرز ایسوسی ایشن دا کہنا سی کہ جڈوں تیکر ساڈے سارے مطالبے منے نہیں جاندے، اوڈوں تیکر ہڑتال انجے ای جاری رہے گی۔
