“قدرتی وسائل نوں بچانا پاکستان دی پکے پیریں (پائیدار) ترقی لئی بہت ضروری اے: صدرِ مملکت”
اسلام آباد: صدر آصف علی زرداری نے صحرا بندی تے سوکے (خشک سالی) دے عالمی دن دے موقعے تے اپنے پیغام وچ چراگاہواں، جنگلاں تے قدرتی وسایل (وسائل) نوں بچان نوں پاکستان دی پکے پیریں (پائیدار) ترقی لئی بہت ضروری (ناگزیر) قرار دے دتا اے۔
صدرِ مملکت نے آکھیا کہ چراگاہواں دا بچاؤ خوراک دی سکیورٹی (غذائی سلامتی)، ماحول دے توازن تے لکھاں بندیاں دے روزگار لئی تگڑی اہمیت رکھدا اے، صحت مند چراگاہواں مال ڈنگر پالن (مویشی بانی) دے شعبے نوں مضبوط کرن تے پنڈاں دی معیشت (دیہی معیشت) دی ترقی وچ وڈا کردار ادا کردیاں نیں-
صدر زرداری دا کہنا سی کہ موسم دا بدلاؤ (موسمیاتی تبدیلی) تے سوکا (خشک سالی) چراگاہواں تے قدرتی ماحول لئی وڈے خطرے بن چکے نیں، پاکستان زمین دے پکے انتظام، ماحول دی بحالی تے قدرتی وسایل نوں بچان لئی پکا اے، جدکہ حکومت سوکے دے اثرات دا مقابلہ کرن تے ہمت ودھان لئی وکھو وکھرے عملی قدم چک رہی اے۔
اوہناں آکھیا کہ جنگلاں، چراگاہواں تے پانی دے ذخیریاں دی پیداواوار ودھانا قوم دی پہلی ترجیح وچ شامل اے، پر سانجھی کوششاں (مشترکہ کوششوں) نال زمین دی خرابی تے سوکے دے ماڑے (منفی) اثرات نوں گھٹ کیتا جا سکدا اے۔
صدرِ مملکت دا کہنا سی کہ قدرتی وسایل نوں بچانا آون والی نسلاں دے محفوظ مستقبل دی گارنٹی اے، جدکہ چراگاہواں نوں دوبارہ ٹھیک کرن نال روزگار دے نویں موقعے، خوراک دا تحفظ تے ماحول دا بھلا ہووے گا۔
