“بھارتی اڈاریاں (پروازوں) لئی پاکستانی ہوائی پٹی (فضائی حدود) دی بندش وچ ہور وادھا (توسیع)”
کراچی: بھارتی اڈاریاں (پروازوں) لئی پاکستانی ہوائی پٹی (فضائی حدود) دی بندش وچ ۲۴ جولائی تک ہور وادھا (توسیع) کر دتی گئی اے۔
پاکستان ایئر پورٹس اتھارٹی نے اسمان بند رکھن دا نواں ‘نوٹم’ (سرکاری نوٹس) جاری کر دتا اے، جیہدے مطابق انڈین پروازاں لئی پاکستانی فضائی حدود دی بندش نوں ہور اگے ودھا دتا گیا اے۔
نوٹم دے مطابق بھارت وچ رجسٹرڈ، کمرشل تے فوج دے جہاز پاکستان وچ ہور اک مہینا داخل نہیں ہو سکن گے، بھارت لئی پاکستان دا اسمان ۲۴ جولائی ۲۰۲۶ء دی صبح ۵ بجے تک بند رہے گا۔
نوٹس وچ آکھیا گیا اے کہ بھارتی ایئر لائنز دے کرائے (لیز) تے لیتے ہوئے جہاز، انڈین شہریاں دی مالکی (ملکیت) والے یا اوہناں دے چلائے جان والے جہازاں تے وی ایہ پابندی لاگو ہووے گی۔
یاد رہے کہ پاکستان نے بھارتی طیاریاں لئی اپنی فضائی حدود ۲۳ اپریل ۲۰۲۵ء توں بند کیتی ہوئی اے، پاکستان ولوں اسمان بند کرن پاروں بھارتی ایئر لائنز نوں ارباں روپیاں دا گھاٹا (نقصان) ہو چکا اے۔
