19 جون نوں خیبرپختونخوا دا بجٹ پیش کرن دا فیصلہ کر لیا: بیرسٹر گوہر

سلام آباد: پاکستان تحریک انصاف دے چیئرمین بیرسٹر گوہر علی نے آکھیا اے کہ 19 جون نوں خیبرپختونخوا دا مکمل سالانہ بجٹ پیش کرن دا فیصلہ کر لیا گیا اے۔

نجی ٹی وی نال گفتگو کردیاں ہویاں بیرسٹر گوہر دا کہنا سی کہ وزیراعلیٰ سہیل آفریدی نوں مکمل سالانہ بجٹ پیش کرن لئی گرین سگنل دے دتا گیا، ان شاء اللہ سارے اراکین اسمبلی بجٹ اجلاس وچ شرکت کرن گے، صوبائی بجٹ دی منظوری لئی سارے اراکین اسمبلی وزیراعلیٰ دا ساتھ دین گے۔

اوہناں نے آکھیا کہ ساڈی خواہش سی کہ بجٹ توں پہلاں بانی پی ٹی آئی عمران خان نال مشاورت کیتی جاوے۔

بیرسٹر گوہر دا کہنا سی کہ بانی پی ٹی آئی نال بجٹ اُتے مشاورت لئی ملاقات دی اجازت نہیں دتی گئی، ایسا فیصلہ نہیں کراں گے جیہدے نال خیبرپختونخوا دے مفاد نوں نقصان پہنچے، عوامی مفاد تے صوبے دی ترقی نوں مدنظر رکھدیاں ہویاں بجٹ پیش کیتا جاوے گا۔