پٹرولیم قیمتاں وچ کمی دا فائدہ عوام تیکر پہنچایا جاوے گا: علی پرویز ملک

اسلام آباد: وفاقی وزیرِ پٹرولیم علی پرویز ملک نے آکھیا اے کہ وزیراعظم، فیلڈ مارشل، وزیر خارجہ تے وزیر داخلہ دیاں سفارتی کاوشاں رنگ لے آئیاں نیں تے ایران و امریکہ نے جنگ بندی معاہدے اُتے دستخط کر دتے نیں۔

اپنے بیان وچ علی پرویز ملک نے آکھیا کہ وزیراعظم نے ہدایت دتی اے کہ عالمی منڈی وچ تیل دیاں قیمتاں وچ کمی دا فائدہ فوری طور اُتے عوام تیکر منتقل کیتا جاوے، پٹرولیم مصنوعات دیاں قیمتاں دے تعین لئی اک شفاف ہفتہ وار فارمولا مرتب کرن دی غرض نال اعلیٰ سطح دی کمیٹی تشکیل دے دتی گئی اے۔

وفاقی وزیرِ پٹرولیم دے مطابق نویں شفاف فارمولے دی بدولت عوام قیمتاں وچ ہون والیاں تبدیلیاں دیاں وجہاں نوں بہتر انداز وچ سمجھ سکن گے، جدکہ اس فارمولے دی تیاری سارے متعلقہ فریقین نال مکمل مشاورت توں بعد کیتی جاوے گی۔

علی پرویز ملک نے آکھیا کہ علاقائی کشیدگی دے باوجود پاکستان وچ تیل دی سپلائی چین بنا کسے رُکاوٹ دے برقرار رکھی گئی اے تے حکومت توانائی سلامتی دے فریم ورک دا ازسرِنو جائزہ لے رہی اے۔

اوہناں نے مزید آکھیا کہ ریاستی مفادات دے تحفظ تے توانائی سلامتی نوں یقینی بناؤن لئی کئی نویں اقدامات اُتے کم جاری اے، جدکہ بحران دے دوران تعاون کرن والے سارے شراکت داراں تے عوام دے شکرگزار ہاں۔