محرم سیکیورٹی: اسلام آباد دی تریخ وچ پہلی وار خصوصی ایپ ’محفوظ محرم‘ تیار
اسلام آباد وچ امام بارگاہواں، مجالس تے جلوساں دے مقاماں دی ڈرونز نال ڈیجیٹل نگرانی کیتی جائے گی۔
وفاقی وزیرِ داخلہ محسن نقوی دی صدارت ہیٹھ محرم الحرام دے دوران سیکیورٹی تے ہور انتظاماں دے بارے جائزہ اجلاس ہویا۔
وزیرِ داخلہ ولوں مجالس تے جلوساں دی حفاظت لئی 4 درجاتی حصار (چار لیئرز دی سیکیورٹی) تے داخلی و خارجی رستیاں اتے سخت چیکنگ دا حکم دتا گیا تے آکھیا گیا کہ امن و امان برقرار رکھن لئی علمائے کرام نال نیڑے دا رابطہ رکھیا جائے۔
دارالحکومت دی تریخ وچ پہلی وار خصوصی ایپ ’محفوظ محرم‘ تیار کیتی گئی اے، ایپ دے راہیں شہری مشتبہ بندے، مشکوک سرگرمی یا نامکمل حفاظتی انتظاماں دی اطلاع دے سکن گے۔
شہریاں نوں لائیو لوکیشن تے امیج شیئرنگ (تصویراں گھلن) دی سہولت وی لبھے گی، ایس توں وکھ سیف سٹی وچ مرکزی کنٹرول روم وی قائم کیتا گیا اے۔
