فیصل آباد وچ المناک ٹریفک حادثہ، پیو 2 پتراں سمیت جاں بحق\
فیصل آباد: پنجاب دے علاقے فیصل آباد وچ موٹر سائیکل تے ٹریکٹر ٹرالی دے ٹکراؤ وچ پیو دو پتراں سمیت جاں بحق ہو گئے۔
ریسکیو ذرائع مطابق المناک ٹریفک حادثہ سمندری روڈ توں بائی پاس روڈ اُتے پیش آیا جتھے موٹر سائیکل نوں ساہمنڑیوں آؤن والی ٹریکٹر ٹرالی نے کچل دتا۔
ذرائع نے دَسیا کہ حادثہ ایس قدر شدید سی کہ تینویں موٹر سائیکل سوار پیو پتر موقعے اُتے ہی دم توڑ گئے، مرن والے بندے یاسر ٹاؤن دے رہائشی دسے جاندے نیں۔
دوجے پاسے واقعے دی اطلاع ملن اُتے پولیس وی موقعے اُتے اپڑ گئی جیہناں نے اپنی موجودگی وچ لاشاں نوں مقامی ہسپتال منتقل کروایا جتھے ضروری کارروائی توں بعد وارثاں دے حوالے کیتیاں جاون گیاں۔
