منی لانڈرنگ کیس: شہباز شریف دے خلاف نیب دی رپورٹ قومی اسمبلی وچ پیش

اسلام آباد: منی لانڈرنگ کیس وچ شہباز شریف دے خلاف نیب دی رپورٹ قومی اسمبلی وچ پیش کر دتی گئی۔ نیب رپورٹ وچ آکھیا گیا اے شہباز شریف خاندان دے اثاثے بنان دے ذرائع نامعلوم، جعلی تے خیالی نیں، 1990وچ شہباز شریف خاندان دے کل اثاثے 20لکھ دے نیڑے سن، 1997وچ وزیراعلیٰ بنن دے بعد خاندان دے اثاثے ساڈھے 3کروڑ تک اپڑ گئے، 2003وچ شہباز شریف تے پتراں نے پہلی وار وکھرے وکھرے اثاثیاں دی تفصیلات جمع کرائیاں۔ رپورٹ وچ ہور دسیا گیا کہ 2003وچ شہباز شریف دی فیملی دے اثاثے 4کروڑ توں ودھ ہو گئے، 2004توں 2008تک حمزہ شہباز دے علاوہ کسے بندے نے اثاثیاں دی تفصیلات جمع نہیں کرائیاں، 2009وچ شہباز شریف خاندان دے اثاثے اک ارب دے نیڑے اپڑ گئے، 2018ء وچ شہباز شریف خاندان دے اثاثیاں دی کل مالیت 7ارب توں تجاوز کر گئی۔