انکم ٹیکس ریٹرنز صرف الیکٹرانک طرایقیاں نال جمع کران دی تجویز منظور

قومی اسمبلی دی قائمہ کمیٹی برائے خزانہ نے انکم ٹیکس ریٹرنز صرف الیکٹرانک طرایقیاں نال جمع کران دی تجویز منظور کر لئی اے۔

ایف بی آر افسراں (حکام) دے مطابق انکم ٹیکس ریٹرن صرف ’آئرس‘ دے راہیں الیکٹرانک طریقے نال جمع کرانا لازمی ہوئے گا۔

ایف بی آر افسراں نے دسیا کہ کمپنیاں دے مالیاتی گوشوارے (فنانشل سٹیٹمنٹس) وی مشین ریڈ ایبل فارمیٹ وچ جمع ہون گے۔

ایف بی آر افسراں نے ہور دسیا کہ اسیں 2013 توں مینوئل (ہتھ نال لکھے ہوئے) ریٹرنز جمع نہیں کر رہے، گوجرانوالہ سمیت کجھ شہراں توں ہجے وی ریٹرنز مینوئلی جمع ہو رہے سن، ہن مکمل طور تے ریٹرنز الیکٹرانک جمع کران دی تجویز شامل کیتی اے۔

ایف بی آر دے مطابق الگورتھمک سیٹلمنٹ میکانزم منن والیاں لئی ریوائزڈ (سودھی ہوئی) ریٹرن دی سہولت دی تجویز وی منظور کر لئی گئی اے، الگورتھمک سیٹلمنٹ دے تحت ریٹرن تے کمشنر دی پہلاں توں منظوری دی لوڑ نہیں ہوئے گی، الگورتھمک سیٹلمنٹ اپنان والے ٹیکس دین والیاں تے وکھرا جرمانہ تے سرچارج لاگو نہیں ہوئے گا۔