پٹرولیم مصنوعات دیاں قیمتاں وچ 59 روپے تیکر کمی ہوئے گی: اسحاق ڈار

اسلام آباد:

نائب وزیراعظم تے وزیر خارجہ اسحاق ڈار نے آکھیا اے کہ ایران دے امریکہ نال مذاکرات محرم پاروں دیری (تاخیر) دا شکار ہوئے، پٹرولیم مصنوعات دیاں قیمتاں وچ 59 روپے تیکر کمی ہوئے گی۔

پارلیمنٹ ہاؤس وچ غیر رسمی گل بات کردیاں ہویاں نائب وزیراعظم اسحاق ڈار نے آکھیا کہ امریکہ ایران جنگ بندی تے وزیراعظم نے بطور ثالث دستخط کیتے۔ پہلے پلان وچ جینیوا وچ معاہدے دی تقریب ہونی سی، پر امریکی صدر نے فرانس وچ معاہدے تے دستخط کیتے۔

اسحاق ڈار نے آکھیا کہ محرم دی وجہ توں ایرانی قیادت دی مصروفیاں وی نیں، مذاکرات وچ کسے قسم دی کوئی رکاوٹ نہیں آئی۔ پٹرولیم مصنوعات دیاں قیمتاں وچ چوکھو چوکھی کمی ہوئے گی، پٹرولیم مصنوعات وچ لگ بھگ 59 روپے تک کمی دی ورکنگ ہو رہی اے۔

اوہناں دسیا کہ جولائی دے پہلے ہفتے وچ شہید آیت اللہ خامنہ ای دی تدفین اے، سٹھ (60) دناں دے اندر اندر دوجے مرحلے دے مذاکرات پورے کرنے نیں، سوئٹزرلینڈ وچ موجود اپنے آفیشلز نوں واپس سد (بلا) لیا اے۔