“لبنان وچ اسرائیلی کاروائیاں روکن لئی امریکہ دباؤ پاوے: فرانس”
پیرس: (ویب ڈیسک) فرانس دے وزیر خارجہ ژاں نویل بارو نے آکھیا اے کہ لبنان وچ اسرائیلی جارحیت تے فوجی کاروائیاں نوں روکن لئی امریکہ نوں اسرائیل اُتے دباؤ پانا چاہیدا اے۔
فرانسیسی میڈیا نال گل بات کردیاں ہویاں وزیر خارجہ ژاں نویل بارو نے آکھیا کہ فرانس اجے وی لبنانی فوج دی مدد لئی دنیا بھر توں امداد تے تعاون اکٹھا کرن دے مقصد نال اک عالمی کانفرنس کروان اُتے کم کر رہیا اے۔
اوہناں دا اے بیان ایسے ویلے سامنے آیا اے جدوں اسرائیلی فوج دا کہنا اے کہ اوہ جنوبی لبنان وچ حزب اللہ دے جنگجوواں تے اوہناں دے ٹھکانیاں نوں نشانہ بنان لئی حملے جاری رکھے ہوئے اے، بھانویں امریکہ تے ایران دے وچکار ہون والے سمجھوتے وچ لبنان اُتے حملے روکن دا مطالبہ کیتا گیا سی۔
ژاں نویل بارو نے ہور آکھیا کہ فرانس اودوں تک ایران اُتے لگیاں اقوام متحدہ دی سلامتی کونسل دیاں پابندیاں ختم کرن دی حمایت نہیں کرے گا، جدوں تک اوہنوں تسلی نہ ہو جاوے کہ تہران دے ایٹمی پروگرام بارے گل بات اوہناں دی امیداں دے مطابق اگے ودھ رہی اے۔
