اسلام آباد ہائی کورٹ، کرایہ داری ایکٹ مقدمے وچ عرفان صدیقی بری

اسلام آباد: کرایہ داری ایکٹ مقدمے وچ سابق وزیراعظم دے معاون خصوصی عرفان صدیقی نوں بری کر دتا گیا، پلس نے اندراج مقدمہ وچ غلطی تسلیم کرکے عرفان صدیقی نوں ڈسچارج کیتا جد کہ سابق وزیراعظم دے معاون خصوصی نے انتظامیہ دے خلاف کاروائی دی استدعا کر دتی۔

کرایہ دار دے کوائف تھانے وچ نہ جمع کران تے جیل جان والے عرفان صدیقی باعزت بری، پلس نے سابق وزیراعظم دے معاون خصوصی دے خلاف مقدمے وچ غلطی تسلیم کر لئی، معاہدے وچ ناں ای نہیں پلس نے گرفتار کرکے جیل گھلیا۔ مقدمہ توں عرفان صدیقی نوں ڈسچارج کرن دی رپورٹ اسلام آباد ہائی کورٹ وچ پیش کیتی گئی جہدے بعد جسٹس عامر فاروق نے مقدمہ اخراج دی درخواست نبیڑ دتی پر عرفان صدیقی دے وکیل نے استدعا کیتی انتظامیہ دے خلاف کاروائی دی وی ہدایت کیتی جاوے۔ عدالت نے قرار دتا انتظامیہ دے خلاف کاروائی لئی درخواست دینا تہاڈا حق اے تسیں وکھری درخواست دے سکدے او۔