اہرام ورگے ڈیزائن والی ہٹ کے (منفرد) اپارٹمنٹ عمارت
چین وچ کئی عجیب و غریب عمارتاں موجود نیں، جیویں اک شہد دے چھتے ورگی عمارت، جہاں 20 ہزار بندے رہ رہے نیں۔
ایسے طرحاں کچھ عمارتاں دے وچوں تے ٹریناں وی لنگھدیاں نیں یا کچھ ایسیاں نیں جیہڑیاں مصروف سڑکاں (شاہراہواں) دے وچکار کھلوتیاں نظر آؤندیاں نیں۔
پر کیہ تہانوں پتا اے کہ چین وچ اک اہرامِ مصر دی بناوٹ (ساخت) ورگی اپارٹمنٹ عمارت وی ہے؟
چین دے صوبے جیانگسو دے علاقے کونشان وچ واقع اے عمارت واقعی دنگ کر دین والی اے۔
اے چین دیاں مشہور ترین اپارٹمنٹ بلڈنگز وچوں اک اے جیہدی تعمیر 2013 وچ مکمل ہوئی اتے ایہنوں “اہرامِ کونشان” آکھیا جاندا اے۔ اس توں بعدوں اے چین دے چند مقبول سیاحتی تھانواں (مقامات) وچوں اک اے۔
کسے اصلی ہرم دے الٹ، اس 18 منزلہ عمارت وچ 2 سِدھیاں (عمودی) باہرلیاں دیواراں موجود نیں جدوں کہ باقیاں 2 ترچھیاں دیواراں نیں ۔
(ایدی تعمیر 2013 وچ مکمل ہوئی سی / اسکرین شاٹ)
ایہدے اپارٹمنٹس 45 ڈگری دے زاویے نال نیچے ول جا رہے نیں اتے اک بہت ودھیا (متاثر کن) نظارہ بناندے نیں۔
اوینج تے عمارت دے ہٹ کے (منفرد) ڈیزائن پاروں ہر اپارٹمنٹ دے نال اک وڈا ٹیرس وی ہے، پر کچھ چیلنجز دا سامنا وی کرنا پیا۔ اہرام ورگی منفرد بناوٹ دی وجہ توں اپارٹمنٹس دے اندر ہوا دی نکاسی اتے روشنی ورگے مسئلیاں (چیلنجز) دا سامنا ہویا۔
