شروعات ہو چکی اے پٹرول دیاں قیمتاں وچ ہور کمی ہوئے گی: خرم شہزاد
وزیر خزانہ دے مشیر خرم شہزاد نے آکھیا اے کہ پٹرولیم مصنوعات دیاں قیمتاں وچ کمی دی شروعات ہو چکی اے، پٹرول دیاں قیمتاں وچ ہور کمی ہوئے گی۔
خرم شہزاد نے آکھیا کہ جس طرح قیمتاں اتّے (اوپر) جاندیاں نیں، اونی جلدی قیمتاں تھلے (نیچے) نہیں آؤندیاں۔
خیال رہے کہ وزیر اعظم شہباز شریف نے پٹرول دی قیمت وچ 74 روپے اتے ڈیزل دی قیمت وچ 67 روپے کمی دا اعلان کیتا اے۔
وزیر اعظم نے پٹرول اتے ڈیزل دیاں قیمتاں وچ وڈی کمی دا اعلان کر دتا
وزیر اعظم دے بیان وچ آکھیا گیا اے کہ پٹرول دی فی لیٹر قیمت 373 روپے توں گھٹ ہو کے 299 روپے اُتے آ جائے گی، جدکہ ڈیزل دی فی لیٹر قیمت 378 روپے توں گھٹ ہو کے 311 روپے اُتے آ جائے گی۔
وزیر اعظم شہباز شریف نے اپنے بیان وچ آکھیا کہ عالمی منڈی وچ تیل دیاں قیمتاں وچ جیہڑی کمی آئے گی، اوہ من و عن (ایویں دی ایویں) عوام نوں منتقل کر رہے آں، معاشی استحکام برقرار رکھن اتے مہنگائی وچ ہور کمی لئی اثر دار (مؤثر) اقدامات جاری رکھاں گے۔
