لبنان: حزب اللہ دا اسرائیلی فوج اُتے حملہ، ٹینک بٹالین کمانڈر سمیت 4 فوجی ہلاک
بیروت: حزب اللہ دے مجاہدین (مزاحمت کاراں) دے حملے وچ اسرائیلی فوج دے ٹینک بٹالین کمانڈر سمیت 4 فوجی ہلاک ہو گئے۔
اسرائیلی میڈیا دے مطابق پچھلے 24 گھنٹیاں وچ حزب اللہ دے حملیاں وچ 4 اسرائیلی فوجی مارے گئے اتے 5 زخمی ہوئے نیں ۔
رپورٹ دے مطابق حزب اللہ دے مجاہدین (مزاحمت کاراں) دے نال جھڑپ وچ مارے جان والے 4 فوجیاں وچ اک 32 سالہ افسر لیفٹیننٹ ‘دور گیدالیا بن سمحون’ (Dor Gedalia Ben Simhon) وی شامل نیں جیہڑے اسرائیلی فوج دے ٹینک بٹالین دے کمانڈر نیں ۔
اسرائیلی میڈیا دا کہنا اے کہ دوجے واقعے وچ حزب اللہ ولوں کیتے گئے اک ڈرون حملے وچ 5 اسرائیلی فوجی زخمی وی ہوئے نیں ۔
دوجے پاسے اسرائیلی فوج ولوں جنوبی لبنان دے علاقیاں وچ حملے جاری نیں اتے پچھلے 24 گھنٹیاں وچ ہون والے حملیاں وچ 16 بندے شہید ہو گئے۔
