آزاد کشمیر چُناؤ: مسلم لیگ (ن) نے 45 وچوں 37 حلقیاں دے ٹکٹ جاری کر دتے۔
اسلام آباد: آزاد کشمیر چُناؤ لئی مسلم لیگ (ن) نے 45 وچوں 37 حلقیاں دے ٹکٹ جاری کر دتے۔
ذرائع دے مطابق مسلم لیگ (ن) نے 45 وچوں 37 حلقیاں دے ٹکٹ جاری کر دتے نیں جدکہ 8 سیٹاں تے صلاح مشورہ آخری مرحلے وچ داخل ہو گیا اے، دوجے پاسے نواز شریف تے شہباز شریف نے رانا ثناء اللہ تے امیر مقام نوں انتخابی ٹاسک وی سونپ دتا اے۔
ذرائع نے دسیا کہ 8 امیدواراں دے ٹکٹاں دا اعلان اگلے 2 دناں وچ کیتے جان دا امکان اے جیہدے لئی رانا ثناء اللہ تے امیر مقام دیاں اہم امیدواراں نال ملاقاتاں دا سلسلہ جاری اے۔
ذرائع دا کہنا سی کہ چوہدری محمد اظہر صادق دی مسلم لیگ (ن) وچ شمولیت تے چُناؤ لڑن دے معاملے وی طے پا گئے نیں، عباس پور توں یاسین گلشن نوں مسلم لیگ (ن) دا امیدوار نامزد کیتے جان دا امکان اے جدکہ لچھراٹ توں سابق وزیرِ حکومت چوہدری شہزاد نے مسلم لیگ (ن) وچ شامل ہون دا فیصلہ کیتا اے۔
ذرائع دے مطابق راج محل کوٹلی توں ملک نواز نوں پارٹی ٹکٹ ملن دے امکان نیں جدکہ راولاکوٹ ایل اے-22 توں سردار جاوید شریف نوں ٹکٹ دتے جان دا امکان اے۔
ایہدے توں وکھ، امیدواراں دے ناں آخری منظوری لئی نواز شریف نوں گھل دتے گئے نیں جدکہ ٹکٹ توں محروم رہ جان والے رہنماواں نوں پارٹی ڈسپلن وچ رکھن لئی رابطے جاری رکھن دا فیصلہ کیتا گیا اے۔
