لاہور ہائیکورٹ وِچ 10 نویں ججاں دی تقرری دا فیصلہ
لاہور: (محمد اشفاق) لاہور ہائیکورٹ وِچ 10 نویں ججاں دی تقرری دا فیصلہ کر لیا گیا اے، چیف جسٹس لاہور ہائی کورٹ سمیت جوڈیشل کمیشن دے سارے ممبراں توں 4 جولائی تیکر نام منگ لئے گئے نیں۔
ذرائع دے مطابق پہلے مرحلے وِچ 10 ججاں دیاں خالی تھانواں (آسامیوں) نوں بھرن دا فیصلہ کیتا گیا اے، اِس سلسلے وِچ سینئر تے قابل وکلا نوں لاہور ہائیکورٹ دا جج مقرر کرن لئی 4 جولائی تیکر نامزدگیاں جمع کروان دا آکھیا گیا اے۔
سیکرٹری جوڈیشل کمیشن ولوں چیف جسٹس لاہور ہائیکورٹ سمیت جوڈیشل کمیشن دے سارے ممبراں نوں دَسیا گیا اے کہ 4 جولائی تیکر 10 خالی تھانواں نوں بھرن لئی سینئر، قابل تے صاف کردار والے وکلا نوں نامزد کر کے نام جوڈیشل کمیشن نوں گھلے (ارسال کیے) جان، جِہدے توں بعد جوڈیشل کمیشن باضابطہ طور تے اجلاس سدے (طلب کرے) گا۔
یاد رہے کہ لاہور ہائیکورٹ دے ججاں دیاں کُل تھانواں (آسامیوں) دی گنتی 60 اے، اِس ویلے 41 جج ڈیوٹی کر رہے نیں جدکہ 19 ججاں دیاں تھانواں خالی نیں۔
