جیٹ فیول 56 روپے 97 پیسے سستا، نویں قیمت 238 روپے 87 پیسے فی لیٹر ہو گئی
حکومت نے پیٹرول تے ڈیزل چ کمی توں بعد جیٹ فیول وی سستا کر دتا۔
ذرائع دے مطابق جیٹ فیول دی قیمت چ 56 روپے 97 پیسے دی وڈی کمی کر دتی گئی اے تے جیٹ فیول دی نویں قیمت گھٹ ہو کے 238 روپے 87 پیسے فی لیٹر ہو گئی اے۔
ذرائع نے دسیا کہ جیٹ فیول دیاں قیمتاں چ کمی توں بعد ہوائی جہازاں دے کرایاں چ کمی دا امکان اے۔
یاد رہے کہ لنگھے ہوئے کل (پچھلے دن) حکومت نے پیٹرول 74 روپے 28 پیسے تے ڈیزل 67 روپے 31 پیسے فی لیٹر گھٹ کیتا سی۔
