پیٹرول تے ڈیزل سستا، پبلک ٹرانسپورٹ دے کرایاں چ کمی دا اعلان
لاہور: پیٹرولیم چیزاں دیاں قیمتاں چ کمی توں بعد پبلک ٹرانسپورٹراں نے کرایاں چ کمی دا اعلان کیتا اے۔
صدر آل پاکستان پبلک ٹرانسپورٹ اونرز فیڈریشن نے پبلک ٹرانسپورٹ دے کرایاں چ 15 فیصد کمی دا اعلان کیتا اے تے آکھیا کہ کرایاں چ کمی دے فیصلے دا لاگو (اطلاق) فوراً ہوئے گا۔
واضح رہے کہ وفاقی حکومت نے لنگھے ہوئے کل (پچھلے دن) پیٹرول دی قیمت چ 74 روپے جدکہ ڈیزل دی قیمت چ 67 روپے دی کمی کیتی سی۔
حکومت نے اعلان کیتا سی کہ پیٹرول دی فی لیٹر قیمت 373 روپے توں گھٹ ہو کے 299 روپے جدکہ ڈیزل دی فی لیٹر قیمت 378 روپے توں گھٹ ہو کے 311 روپے تے آ جاوے گی۔
