بنوں چ سڑک کنڈے دو بم دھماکے، 7 بندے جاں بحق، 3 زخمی

پشاور: بنوں چ سڑک کنڈے لائے گئے بم دھماکیاں نال 7 بندے جاں بحق تے 3 زخمی ہو گئے۔

تفصیلاں دے مطابق خیبر پختونخوا دے شہر بنوں دے علاقے مرکہ بیرا چ دو دھماکیاں چ 7 بندے جاں بحق تے 3 زخمی ہو گئے۔

ڈی پی او یاسر آفریدی دے مطابق سڑک تے لایا گیا بارودی مواد دھماکے نال پھٹ گیا جس دی زد چ آ کے مسافر وین چ سوار 5 بندے جاں بحق ہو گئے۔

ڈی پی او نے دسیا کہ کجھ دیر توں بعد دوجا دھماکا ہو گیا، جس دی زد چ آ کے مدد کرن والے (امدادی کارروائی کرنے والے) 2 بندے وی جاں بحق ہو گئے۔

ڈی پی او یاسر آفریدی دے مطابق دوجے دھماکے نال ایک گڈی وی متاثر ہوئی، لاشاں تے زخمیاں نوں ہسپتال منتقل کر دتا گیا اے جدکہ واقعے دی تفتِیش (تحقیقات) جاری اے۔

حکام دا دسنا اے کہ مسافر وین پنڈ (گاؤں) ہاتھی خیل توں بنوں آ رہی سی۔