الیکشن کمیشن نے گلگت بلتستان چوناواں (انتخابات) دے سرکاری نتائج دا اعلان کر دتا
الیکشن کمیشن نے گلگت بلتستان چوناواں (انتخابات) دے سرکاری نتائج دا اعلان کر دتا اے۔
الیکشن کمیشن ولوں 24 چوں 21 حلقیاں دے سرکاری نتائج دا اعلان کیتا گیا، الیکشن کمیشن ولوں جاری کیتے گئے نوٹیفکیشن دے مطابق پیپلز پارٹی 9، مسلم لیگ (ن) 6، آئی پی پی 4، ایم ڈبلیو ایم 1 تے آزاد امیدوار 1 سیٹ تے کامیاب ہوئے۔
گلگت بلتستان چ حکومت سازی تاخیر دا شکار، کامیاب ممبراں دے گزٹ نوٹیفکیشن ہالے تیکر جاری نہیں ہو سکے
نوٹیفکیشن دے مطابق جی بی اے 9 اسکردو 3، جی بی اے 17 دیامر 3 تے جی بی اے 15 دیامر 1 دے نتائج دا اعلان بعد چ کیتا جاوے گا۔
الیکشن کمیشن دے مطابق سوانیاں (خواتین) دیاں 6 مخصوص سیٹاں چوں 3 پیپلز پارٹی، 2 ن لیگ تے اک آئی پی پی دے حصے چ آئیاں۔
ٹیکنوکریٹ دیاں 3 سیٹاں چوں پیپلز پارٹی، ن لیگ تے آئی پی پی نوں اک اک سیٹ ملی۔
