قطر ولوں امریکہ نوں تحفے چ دتا گیا لگژری جہاز صدارتی بیڑے چ شامل

قطر ولوں امریکہ نوں تحفے چ دتے گئے جہاز نوں صدارتی بیڑے چ شامل کر لیا گیا اے۔

قطر ولوں امریکہ نوں تحفے چ دتے گئے جہاز دی رونمائی دی تقریب ہوئی جس چ امریکی صدر ڈونلڈ ٹرمپ نے شرکت کیتی۔

جہاز صدارتی بیڑے چ شامل کر لیا گیا اے تے نواں ایئر فورس ون (Air Force One) چھیتی آزمائشی پرواز کرے گا۔ امریکی میڈیا رپورٹاں دے مطابق جہاز چ سکیورٹی تے تکنیکی تبدیلیاں تے 90 کروڑ ڈالر خرچ ہوئے۔

امریکی صدر دا خصوصی بوئنگ جہاز 35 ورھیاں (سالاں) بعد ریٹائرڈ، قطر دا 40 کروڑ ڈالر دا جہاز نواں ایئر فورس ون بنے گا

تقریب نال خطاب چ امریکی صدر دا کہنا سی کہ نواں ایئر فورس ون پرانے 35 ورھیاں دے جہاز توں کتے وڈا اے تے دوجے ملکاں کول جدید جہاز نیں ایسے لئی امریکہ نوں وی ضرورت سی۔

اوہناں نے آکھیا کہ جہاز تے امریکی جھنڈے نوں لہراؤندی شکل چ بنایا گیا اے، پہلے جھنڈے دا ڈیزائن سدھی لکیر ورگا سی جیہڑا مینوں کدے زیادہ پسند نہیں آیا۔

چیتے رہے (خیال رہے) کہ اک ورھے (سال) پہلے قطر ولوں لگژری بوئنگ 747 جہاز تحفے چ دتا گیا سی۔