گلگت بلتستان اسمبلی دے 30 نویں چُنے گئے ارکان نے حلف چُک لیا

گلگت: گلگت بلتستان اسمبلی دے 30 نویں چُنے گئے (نومنتخب) ارکان نے حلف چُک لیا، حلف برداری دی تقریب وچ سپیکر گلگت بلتستان اسمبلی نے ارکان توں حلف لیا۔

حلف چُکݨ والے ارکان وچ پیپلز پارٹی دے 13، مسلم لیگ (ن) دے 9، استحکام پاکستان پارٹی (آئی پی پی) دے 6، مجلس وحدت مسلمین دا اک تے اک آزاد رکن شامل اے۔

سپیکر گلگت بلتستان اسمبلی نذیر احمد ایڈووکیٹ نے نویں چُنے گئے ارکان توں حلف لیا، حلف برداری توں بعد ہݨ سپیکر، ڈپٹی سپیکر تے قائدِ ایوان (وزیراعلیٰ) دے چناؤ دا مرحلہ پورا کیتا جاوے گا۔

ایس توں بعد سپیکر نے گلگت بلتستان اسمبلی دا اجلاس آج تریجھے پہر 3 بجے تیکر لئی ملتوی کر دتا۔

چیتے رہے کہ گلگت دے تن حلقیاں دے انتخابی نتائج دا نوٹیفکیشن عدالتی حکم پاروں ہجے تیکر جاری نہیں کیتا جا سکیا، جس کرکے اوہناں سیٹاں اُتے نمائندگی دا مرحلہ ہجے پورا نہیں ہویا۔