پاکستان وچ حج 2027ء لئی رجسٹریشن دا آج توں باقاعدہ آغاز

لاہور: پاکستان وچ حج 2027ء لئی عازمینِ حج دی رجسٹریشن دا باقاعدہ آغاز آج پیر 22 جون 2026ء توں کر دتا گیا اے۔

وزارتِ مذہبی امور دے مطابق عازمینِ حج آن لائن رجسٹریشن وزارت دی آفیشل ویب سائٹ https://www.hajj.mora.gov.pk دے راہیں کروا سکدے نیں، رجسٹریشن دے شروع والے مرحلے وچ پاسپورٹ دا ہوݨا لازمی نہیں رکھیا گیا، پر حج بکنگ دے ویلے پاسپورٹ وکھاؤݨا ضروری ہووے گا۔

وزارت نے ہدایت کیتی اے کہ حج بکنگ دے ویلے پاسپورٹ دی میعاد (Valid) گھٹ توں گھٹ 16 نومبر 2027ء تیکر ہوݨی چاہیدی اے۔

وزارتِ مذہبی امور دا کہنا اے کہ صرف اوہی لوک حج 2027ء دی بکنگ لئی اہل ہوݨ گے جہڑے پہلاں توں رجسٹریشن پوری کر چکے ہوݨ گے، حج بکنگ دا کم “پہلاں آؤ، پہلاں پاؤ” دی بنیاد اُتے جاری رہے گا تے مطلوبہ کوٹا پورا ہوݨ تیکر درخواستاں لئیاں جاؤن گیاں۔