پنجاب تے کے پی دے وکھو وکھ شہراں وچ زلزلے دے تیز جھٹکے، شدت 5.4 ریکارڈ
پنجاب تے خیبر پختونخوا دے وکھو وکھ شہراں وچ زلزلے دے جھٹکے محسوس کیتے گئے۔
زلزلہ پیما مرکز دے مطابق کے پی وچ پشاور، سوات، باجوڑ، بونیر، ہنگو، شانگلہ، کوہاٹ، مہمند تے شبقدر سمیت آلے دوالے دے علاقیاں وچ زلزلے دے تیز جھٹکے محسوس کیتے گئے۔
اس توں وکھ اسلام آباد، راولپنڈی، ڈی آئی خان تے ملتان سمیت آلے دوالے وچ بھی زلزلے دے جھٹکے محسوس کیتے گئے۔
زلزلہ پیما مرکز نے دَسیا کہ زلزلے دا مرکز افغانستان وچ ہندوکش دا پہاڑی سلسلہ سی، زلزلے دی شدت 5.4 تے گہرائی 215 کلومیٹر ریکارڈ کیتی گئی۔
