وفاقی بجٹ وچ کراچی لئی رکھوائے گئے فنڈز دی تفصیلات سامنے آ گئیاں

اسلام آباد: وفاقی حکومت ولوں آؤندے مالی سال دے بجٹ وچ کراچی دے وکھو وکھ ترقیاتی منصوبیاں لئی رکھوائے گئے فنڈز دی تفصیلات سامنے آ گئیاں۔

بجٹ دستاویزات دے مطابق کراچی اربن انفرا سٹرکچر ڈیولپمنٹ پیکج لئی 7 ارب 50 کروڑ روپے رکھوائے گئے نیں۔

گریٹر کراچی واٹر بلک سپلائی سکیم لئی 10 ارب تے کراچی کوسٹل پاور پراجیکٹ یونٹ ون تے ٹو لئی ایک کروڑ روپے رکھوائے گئے نیں.

دستاویزات دے مطابق وفاقی بجٹ وچ گرین لائن بس لئی اک ارب 98 کروڑ روپے رکھوائے گئے نیں جد کہ کراچی وچ سڑکاں، گلیاں، نکاسی آب تے پانی دے وکھو وکھ منصوبیاں لئی فنڈز رکھوائے گئے نیں۔

ضلع غربی وچ انفرا سٹرکچر دی بحالی لئی 24 کروڑ 54 لاکھ، ناظم آباد تے لیاقت آباد وچ انفرا سٹرکچر دی بحالی لئی 22 کروڑ روپے رکھے گئے نیں۔

کراچی دے وکھو وکھ منصوبیاں لئی وفاقی بجٹ وچ لانڈھی، کورنگی وچ سڑکاں، پانی، نکاسی آب تے پلے گراؤنڈز لئی 20 کروڑ روپے رکھوائے گئے نیں۔

دستاویزات دے مطابق ضلع وسطی وچ سڑکاں، گلیاں، پانی تے نکاسِ آب لئی 4 کروڑ 50 لاکھ روپے رکھوائے گئے نیں جد کہ ضلع ملیر وچ سڑکاں، گلیاں تے نکاسِ آب لئی 5 کروڑ روپے رکھے گئے نیں۔