اجازت دے باجوں وی بشریٰ بی بی دی فیملی ملاقات لئی اڈیالا جیل نہ اپڑی
راولپنڈی ذرائع دے مطابق بشریٰ بی بی نال فیملی ملاقات دی اجازت ملن دے باجوں وی اج گھر والے اڈیالا جیل نہیں اپڑے۔
ذرائع دا کہنا اے کہ ملاقات دے حوالے نال بشریٰ بی بی دی فیملی نوں پہلاں ای دَس دِتا گیا سی، پر اطلاع ملن دے باوجود وی گھر والے ملاقات لئی جیل نہ آئے۔
ذرائع دے مطابق لنگھے منگل نوں وی بشریٰ بی بی دی فیملی نوں ملاقات بارے دسیا گیا سی پر اوہ اوس ویلے وی جیل نہیں پہنچے سن۔
ذرائع نے دسیا کہ پچھلے دو ہفتیاں توں ملاقات دی اجازت ہے جے، پر ایس دے باوجود وی فیملی ولوں ملاقات نہیں کیتی گئی۔
ذرائع دے مطابق ملاقات دی اے اجازت حکومت دی اک اعلیٰ شخصیت دیاں کوششاں پاروں ممکن ہوئی اے۔
