جنرل سید عاصم منیر نال ایرانی صدر ڈاکٹر مسعود پزشکیان دی ملاقات

جنرل سید عاصم منیر نال ایران دے صدر ڈاکٹر مسعود پزشکیان نے ملاقات کیتی۔

آئی ایس پی آر دے مطابق ملاقات وچ علاقائی حالات (پیشرفت) تے امن دیاں کوششاں (اقدامات) تے صلاح مشورہ (تبادلہ خیال) کیتا گیا۔

ایرانی صدر مسعود پزشکیان نے گلبات (مذاکرات) نوں ودھان وچ پاکستان دے چنگے (تعمیری) تے ذمہ دارانہ کردار، تے کھِچو تان (کشیدگی) گھٹ کرن تے علاقے دے امن (علاقائی استحکام) لئی پاکستان دے حصے نوں سراہیا۔

ایرانی صدر نے جھیڑے (تنازع) دے پرامن حل دی حوصلہ افزائی لئی پاکستان دیاں کوششاں دا اعتراف وی کیتا۔

ایرانی صدر مسعود پزشکیان اک دیہاڑے دے دورے تے پاکستان پہنچ گئے نیں۔

ڈاکٹر مسعود پزشکیان نے علاقائی دھریاں (اسٹیک ہولڈرز) دے وچکار صلح صفائی (مفاہمت) ودھان دیاں پاکستانی کوششاں دی وی تعریف کیتی۔

ملاقات وچ جنرل سید عاصم منیر نے خطے وچ امن تے پائیداری (استحکام) لئی پاکستان دے پکے (غیر متزلزل) عزم نوں دہرایا، دوہاں رہنماواں نے پاک ایران تعلقات نوں ہور تکڑا (مضبوط) کرن دا عزم وی دہرایا۔

ملاقات وچ آپسی دلچسپی دے معاملیاں تے نیڑے دی صلاح مشہورت (قریبی مشاورت) جاری رکھن دے عزم نوں وی دہرایا گیا۔

یاد رہے کہ ایرانی صدر ڈاکٹر مسعود پزشکیان اک دیہاڑے دے دورے تے پاکستان آئے نیں۔

نور خان ائیر بیس تے صدر آصف زرداری، وزیراعظم شہباز شریف تے نائب وزیراعظم اسحاق ڈار نے ایرانی صدر نوں جی آیاں نوں (استقبال) آکھیا۔