پنجاب اسمبلی دی قائمہ کمیٹی برائے داخلہ دا اجلاس، چار اہم بلز دی منظوری
لاہور: پنجاب اسمبلی دی قائمہ کمیٹی برائے داخلہ دا اجلاس چیئرمین طارق سبحانی دی صدارت ہیٹھ پنجاب اسمبلی وچ ہویا۔
اجلاس وچ قانون سازی نال جڑے اہم بلاں اُتے تفصیل نال غور کیتا گیا تے چار اہم بل اکو رائے نال (متفقہ طور اُتے) منظور کر لئے گئے۔
منظور کیتے گئے بلاں وچ “پنجاب کنٹرول آف ہیبیچوئل آفینڈرز اینڈ اینٹی سوشل بیہیویئر بل 2026″، “پنجاب سینٹر آف ایکسیلنس آن کاؤنٹرنگ وائلنٹ ایکسٹریمزم (ترمیمی) بل 2026″، “انسدادِ دہشت گردی (پنجاب ترمیمی) بل 2026” تے “سوسائٹیز رجسٹریشن (ترمیمی) بل 2026” شامل نیں۔
کمیٹی نے سارے بلاں نوں سبھ دی مرضی نال منظور کیتا، جدکہ اجلاس وچ محکمہ داخلہ تے محکمہ قانون دے نمائندیاں نے وی شرکت کیتی۔
اجلاس دے دوران ممبراں نے بلاں دے قانونی، انتظامی تے عملی پہلوآں دا باریکی نال جائزہ لیا۔
ایس اجلاس وچ خالد محمود رانجھا، چوہدری اعجاز احمد، صفیہ سعید، سیدہ سمرین تاج، رانا عبدالمنان ساجد، آمنہ پروین تے شہباز علی کھوکھر سنے کئی ممبراں نے شرکت کیتی۔
