فیلڈ مارشل نال ایرانی صدر دی ملاقات، علاقائی استحکام لئی پاکستان دے کردار نوں سراہیا
راولپنڈی: فیلڈ مارشل سید عاصم منیر نال ایرانی صدر مسعود پزشکیان نے ملاقات کیتی۔
پاک فوج دے شعبہ تعلقاتِ عامہ (آئی ایس پی آر) دے مطابق ملاقات دے دوران فیلڈ مارشل تے ڈاکٹر مسعود پزشکیان نے علاقائی صورتحال، امن لئی کیتے جان والے اقدامات تے آپسی دلچسپی دے معاملیاں اُتے گل بات کیتی۔
ترجمان پاک فوج دا کہنا سی کہ ایرانی صدر نے مذاکرات، کھِچ تان (کشیدگی) وچ کمی تے علاقائی استحکام لئی پاکستان دے تعمیری تے ذمہ دارانہ کردار، رولیاں دے پرامن حل تے دھریاں دے وچکار سمجھ بوجھ نوں ودھاؤن لئی پاکستان دیاں کوششاں نوں سراہیا۔
دوجے پاسے، فیلڈ مارشل سید عاصم منیر نے گل بات دے دوران خطے وچ امن تے استحکام لئی پاکستان دے نہ ڈولن والے (غیر متزلزل) عزم نوں دہرایا۔
ایہدوں ہٹ کے، آئی ایس پی آر دے مطابق دوواں پاسیاں توں پاکستان ایران تعلقات نوں مضبوط بناؤن تے آپسی دلچسپی دے معاملیاں اُتے نیڑے دی مشاورت نوں برقرار رکھن دے عزم دا اعادہ کیتا گیا۔
